Croeso i'n tŷ

Rydym wedi gwirioni â chŵn ac mae ein drysau bob amser yn agored i chi a’ch ffrindiau gorau.

Mae gennym ddwy ystafell cŵn-gyfeillgar i chi a’ch ffrind pedair coes gysgu ynddynt ac mae croeso i gŵn yn y bar ac ar y teras blaen.

Yn SMH mae croeso i deuluoedd â phlant o bob oed.

Mae gan ein gwesty lu o nodweddion plant-gyfeillgar i gadw’r rhai bach yn hapus –

• Mae yna filltiroedd o draethau tywod a phyllau glan môr i’w harchwilio – cymerwch fenthyg un o’n rhwydi pysgota a gweld beth allwch chi ei ddarganfod.
• Mae rhai o’n hystafelloedd yn rhyng-gysylltu, sy’n berffaith ar gyfer teuluoedd.
• Gallwn ddarparu cotiau teithio a gwelyau sy’n plygu – rhowch wybod i ni wrth archebu beth sydd ei angen arnoch.
• Mae cadeiriau uchel i’w cael yn y bwyty ac mae croeso i blant fwyta yn unrhyw le.
• Rydym wedi llunio bwydlen arbennig Tŷ Sandy Mount o fwyd ffres ar gyfer plant – dim bwyd wedi’i rewi i’w weld yn unman!

Os oes angen unrhyw beth arall arnoch i wneud cyfnod eich teulu yma yn un arbennig, rhowch wybod i ni a gwnawn ein gorau i sicrhau eich bod yn ei gael.

Dysgu syrffio, syrffio barcud a syrffio gwynt yn Rhosneigr

Mae Rhosneigr yn hafan chwaraeon dŵr a pha ffordd well o anghofio am fywyd corfforaethol na threulio diwrnod yn mynd i’r afael â bwrdd syrffio? Anfonwch eich manylion atom a byddwn yn hapus i drefnu hyn i chi.

Mae gennym ddau le bwyta preifat yn Tŷ Sandy Mount – un ar gyfer 12 o bobl a’r llall ar gyfer 18. Ar ôl eich diwrnod o weithgaredd, cewch ddiod haeddiannol yn y bar a phryd blasus wedi’i goginio gan ein cogydd arobryn, Hefin Roberts.

Mae cariad yn yr awyr yn SMH ac nid oes lle gwell i dreulio amser gyda rhywun arbennig.

Nid wrth oleuo canhwyllau’n unig y mae creu awyrgylch am ramant! Rhaid creu amgylchedd lle gall y ddau ohonoch wirioneddol ymlacio, bod chi’ch hun a dianc rhag straen ac ymyraethau bywyd beunyddiol.